Asturianu

Una Señora Fiesta a taragaños

 

 

Un festival artísticu nuna redolada rural.
 
 
Una Señora Fiesta surdió como un llugar d\'alcuentru para les artes y les propuestes musicales alternatives na redolada rural del oriente asturianu y con esti espíritu, se caltién na so tercer edición.
 
Anguaño, vuelve a taragaños, afaciéndose, reinventada y tresformada.
 
Vivimos equí y queremos que los y les nueses artistes favorites vengan al nuesu pueblu. Creemos que nun tenemos que dir a Xixón o a Uviéu, o a Madrid para esfrutar del arte en cualesquier de les sos formes; la nuesa intención ye que la xente d\'esos llugares venga a visitanos, porque creemos nesta redolada espectacular y na so xente cercano.
 
Una Señora Fiesta desarróllase nuna redolada rural con un gran problema de migración xuvenil y avieyamientu de la población; les señores, tradicionalmente, son les guardianes de la cultura popular, encargaes de cantar, tocar la pandereta, cuntar relatos y cuntar la nuesa hestoria de puertes adientro. Almiramos d\'elles la so capacidá de tresmitir conocencies, sensaciones, de xenerar espacios íntimos de llibertá onde puede falase de casi tou. Por eso somos señores, y esta ye la nuesa fiesta.
 
N\'Una Señora Fiesta abogamos pol respetu a lo local y al mediu ambiente, ye un festival pequenu, ensin enganíes de crecer. Una Señora Fiesta respeta toles creencies, opiniones, orientaciones sexuales, identidaes y nun tolera nengún tipu de comportamientu violentu o irrespetuosu.
 
Na nuesa propuesta d\'anguaño, queremos siguir esfrutando del arte n\'otros formatos y facetes: música, teatru d\'oxetos, poesía, teatru de solombres… que van tener llugar en dellos díes, siempres cumpliendo les midíes qu\'anguaño se precisen nesti tipu d\'alcuentros.
 
El Festival faráse na finca La Vilortera, la entrada ye de pagu (10€, namás vienta antemanada) pa caúnu de los espectáculos, que van tener aforu llimitáu y asientu asignáu.
 
Por ello, recordámoste que vengas con tiempu (media hora  primero qu\'empiece l\'actuación), que traigas mázcariella, siella y el to DNI. Na midida de lo posible, estimamos que traigas la entrada nel to dispositivu móvil. Anguaño, nun va haber serviciu de chigre nel espaciu onde van tener llugar les actuaciones.
 
Esperámoste con muncha ilusión y munches ganes, p\'atopanos y esfrutar, de nuevu o per primer vegada.
 
 

Programa

 

Julio 2020 
 
> Rodrigo Cuevas y Jesús Arévalo (Noche de copla), vienres 24 de xunetu, a les 22h
 
> Euripidis es Evripidis and His Tragedies (Pop traxicómicu), sábadu 25 de xunetu, a les 22h
 
> M.A.R. (teatru d\'oxetos), domingu 26 de xunetu, 2 pases, a les 21.30h y a les 23h
 
 
 
Agostu 2020 
 
> Tarta Relena (gregorianu progresivu y lluvia d\'estrelles), miércoles 12 d\'agostu, a les 23h
 
> Lluz Micro y Puntu (teatru de solombres), xueves 13 d\'agostu, 2 pases, a les 22.15h y a les 23.45h 
 
> Xaime Martínez y Dani Orviz (poesía y slam poetry), vienres 14 d\'agostu, a les 20h
 
> UAL·LA (música con humor), domingu 16 d\'agostu, 2 pases, a les 20h y a les 22.30h
 
 
Compra yá les tos entraes

 

Comprar entradas


Una señora fiesta en Instagram
 

Utilizamos cookies, tanto propias como de terceros, para ofrecer nuestros servicios y recoger información estadística.
Al acceder a "www.musikaze.net" está aceptando su instalación y uso en los términos de nuestra política de cookies.